नेपाल पत्रकार महासंघको २६ औँ महाधिवेशनको नतिजा सार्वजनिक भएको छ ।
नेपाल पत्रकार महासंघको नयाँ नेतृत्व चयन भएसँगै कसले कति मत ल्याए भनेर चर्चा परिचर्चा चलिरहँदा महिला उपाध्यक्ष पदमा उम्मेदवारी दिएर विजयी भएकी बाला अधिकारीले सर्वाधिक मत ल्याएकी छिन् ।
देशभर रहेका १३ हजार भन्दा बढी पत्रकारहरूले मतदानमा सहभागी भएका थिए ।
नेपाल पत्रकार महासंघको नयाँ नेतृत्वलाई ५२ पदमा निर्वाचित भएका मध्ये महिला उपाध्यक्ष बाला अधिकारीले सबैभन्दा बढी मत ल्याएर विजयी भएकी हुन् ।
अध्यक्षमा निर्वाचित भएका विपुल पोखरेलले ६ हजार ९ सय ४२ मत ल्याउँदा महिला उपाध्यक्ष पदमा विजयी भएकी बाला अधिकारीले ७ हजार २ सय २६ मत ल्याएकी हुन् । जुन अध्यक्षले पाएको मतभन्दा २ सय ८४ मतले बढी हो ।
महिला उपाध्यक्षमा उम्मेदवारी दिए दाना केसी (सुवेदी) ले भने ३ हजार ५ सय २८ मत ल्याएर पराजित भएकी छिन् ।