सर्वोच्च अदालतले ऋषि कट्टेललाई नेपाल कम्युनिस्ट पार्टी (नेकपा) को आधिकारिकता प्रदान गरेको छ ।
अदालतले आइतबार दल विवादसम्बन्धी फैसला सुनाउँदै कट्टेलको दललाई मान्यता दिएको हो । योसँगै तत्कालीन एमाले र माओवादी केन्द्र बिचको एकीकरणपछि गठित नेकपाले कानुनी वैधता गुमाएको छ ।
फैसलाअनुसार कानुनी रूपमा एमाले र एकीकृत माओवादी एकताअघिकै पूर्ववत् अवस्थामा फर्किएका छन् ।
एमाले र एमाओवादी बीच एकीकरणपछि बनेको नेकपा अवैध भएको दाबी गर्दै कट्टेल सर्वोच्च गएका थिए । तीन वर्षसम्म तामलेमा राखिएको मुद्दा अदालतले नेकपा विभाजन भएसँगै अघि बढाएको थियो ।
तत्कालीन एमाले र माओवादी केन्द्रबिच एकता भई नेकपा गठन भएपछि नेकपा नामको विवादमा सुरु भएको थियो । किनकि नेकपा नामको दल पहिले नै दर्ता थियो ।
आयोगले दल गर्दा पनि सुरुमा अन्डरलाइन लगाएर गरेको थियो । पछि कोष्ठमा नेकपा राखियो । एकीकृत पार्टीलाई नेकपा नाम दिँदा निर्वाचन आयोगले अन्याय गरेको भन्दै न्याय माग्न यसअघि नै नेकपा दर्ता गरेका ऋषिराम कट्टेल सर्वोच्च पुगेका थिए । उनले २०७५ मङ्सिर २१ गते निर्वाचन आयोग, नेकपालगायतलाई विपक्षी बनाउँदै सर्वोच्चमा रिट दायर गरेका थिए।
