प्रधानमन्त्री केपी शर्मा ओलीले पुष्पकमल दाहाललाई गएको निर्वाचनमा चितवन पुगेर जिताएको भन्दै अबको चुनावमा जितेर देखाउन चुनौती दिएका छन् । काठमाडौंमा आयोजित एक भेलालाई सम्बोधन गर्दै ओलीले यस्तो बताएका हुन् ।
प्रधानमन्त्री ओलीले पार्टी मुलधारमा रहेका समयमा आफ्नो सहयोगपनि पाएकाले चुनाव जितेका प्रचण्ड दशा लागेर अलग बनेका भन्दै कटाक्ष गरेका छन् ।
अबको चुनावमा प्रचण्डमाधव समूहले कतै नजित्नेपनि ओलीले दावी गरे । ओलीले भने, ‘चितनवमा गएर, सबै जनतालाई फकाएर चुनाव जिताएका हौँ हामीले ।’
त्यसअघिको चुनावमा सिरहामा बत्ती निभाएर चुनाव जितेका प्रचण्डले अब अहिले दशा लागेर पार्टी छाडेर गए अब जितेर देखाउन् उनले भने ।
गत पुस ५ गते प्रधानमन्त्री ओलीको सिफारिसमा राष्ट्रपति विद्यादेवी भण्डारीले प्रतिनिधि सभा विघटन गरेपछि अनौपचारिक रुपमा विभाजित भइसकेको नेकपा दुवै पक्षका नेताहरुरले एक अर्कालाई आरोप–प्रत्यारोप गरिरहेका छन्।
