‘शेरबहादुर देउवा जी अहिले नेपाली कांग्रेसको सभापतिको हैसियतले, त्यसको दलको नेताको हैसियतले उहाँलाई प्रधानमन्त्री स्वीकार्न मलाई केही अप्ठ्यारो छैन । हिजो पनि मैले सहमति गरेर उहाँलाई प्रधानमन्त्री स्वीकारेको हो । उहाँले भनेकै अनुसार, समझदारी अनुसार समयमा नै उहाँलाई प्रधानमन्त्री बनाएको पनि हो ।
यो शान्तिप्रक्रियाको पहिलो अपिलकर्ता म र शेरबहादुर देउवा जी नै हो । त्यो नाताले पनि एउटा केही न केही सम्बन्ध छ । संविधान बचाउने, प्रणाली बचाउने र जनतालाई स्थायित्व र विकास दिने सर्तमा म उहाँलाई प्रधानमन्त्री वा उहाँले कोही भन्नुहुन्छ भने त्यसलाई पनि मान्न मलाई केही आपत्ती छैन ।’
नेकपा दाहाल–नेपाल समूहका अध्यक्ष पुष्पकमकल दाहालको पछिल्लो भनाइ हो यो । उनीसहित समूहका अर्का अध्यक्ष माधवकुमामर नेपालले देउवा निवास बुढानिलकण्ठ पुगेरै पनि देउवालाई प्रधानमन्त्री अफर गरेका थिए । उनले त्यसलाइ प्राइम टाइम्स टेलिभिजनसँगको अन्तरवार्तामा पुष्टि गरेका छन् ।
दाहाल–नेपाल समूहले मात्रै होइन ओेली समूहले पनि देउवालाई प्रधानमन्त्री अफर गरेको खबर सार्वजनिक भएका थिए । नेकपा विभाजित भएपछि यसको नेतृत्वमा रहेको प्रदेश सरकार पनि डगमगाएका छन् । हाल मुख्यमन्त्रीहरुले आफ्नो कुर्सी जोगाउन अनेक प्रयत्न गर्न थालेका छन् भने विपक्षी समूहले उनीहरुलाई हटाउन कसरत सुरु गरेका छन् ।
त्यसका लागि ओली पक्ष र दाहाल–नेपाल पक्ष जस्तोसुकै त्याग गर्न पनि तयार छन् । प्रदेशमा सरकार ढाल्ने र बनाउन उनीहरुलाई कांग्रेसको साथ चाहिएको छ । त्यसका लागि उनीहरु निरन्तर छलफलमा छन् । अहिले प्रदेश १ र बाग्मतीका मुख्यमन्त्रीले अविस्वासको प्रस्तावको सामना गरिरहेका छन् । सत्ता पक्षलाई जरी पनि पद जोगाउनु छ भने विपक्षीलाई हटाउनु ।
इसका लागि नेकपाका दुवै समूहले कांग्रेसलाई प्रदेश १ र वाग्मतीमध्ये एउटामा मुख्यमन्त्री दिन सकिने भन्दै गठबन्धनको अफर गरेका छन् । नेकपाका दुवै समूहले मुख्यमन्त्री भागबन्डा गरेर गठबन्धन गर्न औपचारिक प्रस्ताव गरे पनि कांग्रेसले नेताहरूबीच सहमति नहुँदा निर्णय गर्न सकेको छैन ।
दाहाल–नेपाल समूह दुइटा प्रदेशमध्ये एउटामा कांग्रेसलाई मुख्यमन्त्री दिन तयार भएपछि ओली समूहले पनि त्यस्तै ‘ग्रिनसिग्नल’ दिएको छ । दुवै समूहको प्रस्तावमा कारण कांग्रेसमै अन्योल खडा भएको छ ।
कांग्रेस के गर्ला ?
सभापति देउवा सोमबार कांग्रेसका वरिष्ठ नेता पौडेलसँग प्रदेश सरकारलगायतका मुद्दामा समझदारी जुटाउन बोहराटारस्थित उनकै निवास पुगेका थिए । दुई नेताबीच प्रदेश सरकारमा पनि उत्पन्न भएको समस्याका विषयमा कसरी अघि बढ्ने भन्नेमा छलफल भएको थियो । चर कुनै निकास भने निस्कदैन ।
प्रदेश सरकारको संकट टार्न कांग्रेसले एउटा पक्षलाई साथ दिनेमा दुई मत छैन । तर कुन पक्षलाई दिने भन्ने अन्यौल छ । संस्थापन ओली पक्षलाई साथ दिने मनसायमा देखिएको छ । सभापति देउवाले दाहाल–नेपाल समूहसँगभन्दा ओली नेतृत्वको नेकपासँग गठबन्धन बनाउन चाहिरहेकाले कांग्रेसले औपचारिक निर्णय लिन सकेको छैन ।
पौडेलसहितको संस्थापन इतर पक्षले ओलीभन्दा दाहाल–नेपाल समूहसँगको गठबन्धन प्राकृतिक हुने बताउँदै आएको छ । कांग्रेसका वरिष्ठ नेता रामचन्द्र पौडेल, पूर्वमहामन्त्री कृष्णप्रसाद सिटौला, महामन्त्री शशांक कोइरालासहितका संस्थापनइतरका नेताहरू ओलीले असंवैचालेका बेला सोही समूहसँगै गठबन्धन गर्दा राम्रो सन्देश नजाने बताउँदै आएका छन् ।
ओलीको कदमविरुद्ध प्रदर्शन पनि गरिरहेकोले उनैसँग सहकार्य नसुवाउने उनीहरुको तर्क छ । नेकपाभित्र सांसदहरू तानातान गर्ने क्रम भइरहेका बेला कांग्रेसले अहिल्यै निर्णय लिन उपयुक्त नहुने कतिपयको तर्क छ ।