पूर्वप्रधानमन्त्री एवं जनता समाजवादी पार्टीका संघिय परिषद अध्यक्ष डा. बाबुराम भट्टराईले सडकबाट मान्छे टिपेर मन्त्रीमण्डल विस्तार गरिएको आरोप लगाएका छन्
प्रधानमन्त्री केपी शर्मा ओलीले शुक्रबार साँझ ८ मन्त्री र एक राज्यमन्त्री थप गरेका थिए ।
सरकारले संसद् विघटन गरेपछि नेकपा (प्रचण्ड माधव) समूहका सात मन्त्रीहरुले सामूहिक राजिनामा दिएपछि रिक्त भएका पदहरुमा ओलीले शुक्रबार मन्त्रि नियुक्त गरेका हुन् ।
डा. बाबुराम भट्टराई भन्छन् ” आफै असंवैधानिक ढंगले संसद विघटन र चुनावको घोषणा गर्ने अनि सडकबाट मान्छे टिपेर मन्त्रीमण्डल विस्तार र पुनर्गठन गर्ने!यो कहाँको विधि र परम्परा हो?
उनले अगाडि लेखेका छन्, ‘सत्ता अकंटक चलाउने ध्येय स्पष्ट भएन र? ज्ञानेन्द्रले गरेको यै हैन र ? संविधान/लोकतन्त्रमाथि यस्तो खेलबाड हुॅदा चूप बस्ने हामी कि ओली मूर्ख ?’
को को थपिए को हटे ?
टाेपबहादुर रायमाझीले ऊर्जा, प्रभु साहले सहरी विकास, मणिचन्द्र थापाले खानेपानी र गाैरीशङ्कर चाैधरीले श्रम मन्त्रालयकाे जिम्मेवारी पाएका हुन् । त्यस्तै गणेशसिंह ठगुन्नाले सङ्घीय, प्रेमबहादुर आलेले वन, जुलीकुमारी महताेले महिला र दावा लामा तामाङले युवा मन्त्रालयकाे जिम्मेवारी पाएका छन् ।
साथै विमला विकले राज्यमन्त्रीकाे जिम्मेवारी पाएकी छिन् ।
नयाँ मन्त्रिमण्डल विस्तार हुँदा युवा तथा खेलकुदमन्त्री जगत विश्वकर्मा र उद्योग राज्यमन्त्री मोती दुगडको जिम्मेवारी भने खोसिएको छ ।