सरकारले जारी गरेको नयाँ अध्यादेशअनुसार बसेको संवैधानिक परिषदको बैठकले सम्भावित नामहरुमा छलफल गरेको छ ।
बैठकमा सहभागी भएका राष्ट्रियसभा अध्यक्ष गणेशप्रसाद तिमिल्सिना भने, “आज नामहरूमा छलफल भयो। अब त्यसको फाइनल भोलि मात्र ल्याउने कुरा भएको छ।”
“छलफल सबै निकायका पदाधिकारीबारे भयो तर यसलाई भोलि मात्र सार्वजनिक गरिनेछ।”
अख्तियार दुरुपयोग अनुसन्धान आयोग, निर्वाचन आयोग, मानव अधिकार आयोग लगायतमा प्रमुख तथा सदस्यहरु नियुक्त हुन बाँकी छ । तेह्र महिनायता संवैधानिक परिषद्को बैठक बस्न सकेको थिएन । भागवण्डा नमिल्दा बैठक बस्न नसकेको हो । संवैधानिक अंगमा योग्य, क्षमताभन्दा पनि परिषद्का पदाधिकारीहरुको भागबन्डामा आधारित हुने गरेको छ ।
सरकारले जारी गरेको नयाँ अध्यादेशअनुसार बसेको संवैधानिक परिषदको बैठक सकेर प्रधानमन्त्री केपी शर्मा ओली राष्ट्रपति निवास शीतलनिवासतर्फ लागेका छन् ।
केही समयअगाडी सकिएको बैठकको बारेमा औपचारिक जानकारी भने गराइएको छैन ।