धितोपत्र बजारमा शेयर कारोबार मापक नेप्से परिसूचकमा साताको दोस्रो दिन ७२ अंकको वृद्धि भएको छ ।
नेपाल स्टक एक्सचेञ्जका अनुसार आज नेप्से ७२.२८ विन्दुले उकालो लागेर एक हजार २००४.39 मा पुगेको छ । यस्तै, ठूला कम्पनीको कारोबार मापन गर्ने सेन्सेटिभ परिसूचकसमेत १२.१० विन्दुले उकालो लागेर ३८२.७७ मा पुगेको छ
नेप्सेमा उभार आउँदा कारोबार रकमसमेत रु साढे ६ अर्बमाथि पुगेको छ । कूल २०६ कम्पनीको १ करोड १९ लाख २० हजार ८१९ कित्ता शेयर रु ६ अर्ब ६६ करोड ७९ लाख ५६ हजार ८३१ मूल्यमा खरिद बिक्री भए ।
स्टकका अनुसार, कारोबार भएका कूल १२ उपसमूहमध्ये कुनैपनि ओरालो लागेको छैन । जिवन बीमा ६९८.८१ अंकले उकालो लाग्दा, निर्जीवन बीमा ४०५.५४, उत्पादन २२४.७७, व्यापार १३०.९, लघुवित्त १२७.५५, जलविद्युत् ९८.४७, अन्य ८०.५, होटल ६०.६, विकास बैंक ४३.२५, बैकिङ ३१.९१, वित्त २०.६५ र सामूहिक लगानी कोष ०.०८ विन्दुले उकालो लागेको छ ।