पहिलो संविधानसभा निर्वाचनताका रौतहटमा भएको बम विस्फोट प्रकरणका अभियुक्त मोहम्मद महताब आलमले ‘अपराध’ स्वीकार गरेका छन् ।
नेपाली कांग्रेसका नेता एवम् पूर्वमन्त्री मोहम्मद अफताब आलमका भाइ महताबले दाईकै निर्देशनमा बम विस्फोटमा मृत्यु तथा घाइते भएकालाई इटा भट्टामा जलाएको स्वीकार गरेका हुन् ।
भारतीय प्रहरीको सहयोगमा नेपाल प्रहरीको टोलीले महताब आलमलाई आइतबार राति भारतको मोतीहारीबाट पक्राउ गरेको थियो । सोमबार बिहान जिल्ला प्रहरी कार्यालय रौतहटले लिएको प्रारम्भिक बयानका क्रममा महताबले ‘अपराध’ स्वीकार गरेका २ नम्बर प्रदेश प्रहरी कार्यालयले जानकारी दिएको छ ।
०६४ चैत २७ मा रौतहटमा भएको बम विष्फोटको घट्नामा महताव फरार रहेका महताव आलम घटनाका मुख्य योजनाकार काँग्रेस सांसद तथा पूर्वमन्त्री आफ्तावका आलमका भाई हुन् ।
आफ्तावका आलम पुर्पक्षका लागी नख्खु कारागारमा छन् । प्रहरीले आफ्तावलाई ०७६ असोज २७ मा पक्रेर मुद्दा चलाएको थियो ।
संविधानसभा निर्वाचनको पूर्वसन्ध्यामा आलमका काका शेख इन्द्रिसको घरमा भएको विष्फोटका घाईते २४ वर्षीय त्रिलोक प्रताप सिंह र २२ वर्षीय ओसी अख्तरलाई आफ्तावको दाजुभाईको समूहले ईट्टाभट्टामा जिउँदै जलाएको आरोप छ ।
संसद आलम हाल कारागारमा छन्। ११ आरोपीमध्ये ५ जना पक्राउ परिसकेका छन्।
