प्रधानमन्त्री तथा नेकपा अध्यक्ष केपी शर्मा ओलीले प्रचण्डको ‘काउन्टर’ मा प्रस्ताव ल्याउने भएका छन् । आज बसेको नेकपा सचिवालय बैठकमा ओलीले आफूले पनि प्रस्ताव ल्याउने बताएका हुन् ।
सत्तारुढ नेकपाको स्थायी कमिटी बैठक मंसिर १८ गते स्थायी कमिटी बैठक बस्ने भएको छ भने २५ गते केन्द्रीय कमिटी बैठक बस्ने भएको छ ।
नेकपा सचिवालयको आज बसेको बैठकले स्थायी कमिटी बैठक र केन्द्रीय कमिटी बैठकको मिति तय गरेको प्रवक्ता नारायणकाजी श्रेष्ठले जानकारी दिए । यसअघि मंसिर १५ गतेबस्ने गरी केन्द्रिय कमिटी बैठकको मिति तय भएको थियो ।
यसबाहेक प्रधानमन्त्री एवम् नेकपा अध्यक्ष केपी शर्मा ओलीले अब बस्ने सचिवालय बैठकमा आफ्नो छुट्टै राजनीतिक प्रतिवेद पनि पेश गर्ने भएका छन् ।
यसअघि कार्तिक २८ गते कार्यकारी अध्यक्ष पुष्पकमल दाहाल प्रचण्डले पेश गरेको राजनीतिक प्रतिवेदन दूराग्रहपूर्ण रहेको ओली पक्षको आरोप छ ।
विवादकै बीच बसेको आजको बैठकमा के छलफल भयो भन्ने कुरा बाहिर आइसकेको छैन ।