कोरोना भाइरसको कारण सिर्जित भएको लामो लकडाउनले गर्दा मजदुर र गरिव परिवारको छाक टार्न मुस्किल भैरहेको समयमा पूर्वअर्थमन्त्री तथा नेकपाका सांसद सुरेन्द्र पाण्डेले मजदुर र गरिब परिवारलाई दशैं खर्च दिन सरकारलाई सुझाव दिएका छन् ।
नेपाल उद्योग वाणिज्य महासंघले अर्थतन्त्र पुनरउत्थानको बाटो विषयक अन्तक्रिया कार्यक्रममा उनले यस्तो सुझाव दिएका हुन् ।
पाण्डेले सरकारले बेरोजगार रहेका र स्वतन्त्र मजदुर निकै जटिल अवस्थामा रहेको भन्दै उनीहरुलाई दशैंमा भत्ता दिन आग्रह गरेका छन् ।
चाडबाडको समयमा मानिस सहरबाट गाँउ जाने र आउँदा गर्ने र यसो गर्दा कोरोना सर्न सक्ने सम्भावना रहेको भन्दै गाँउ जानेको रेकर्ड राख्न उनले आग्रह गरेका छन् ।
निजी क्षेत्रका कर्मचारीलाई १ महिनाको तलब दिने र नेपाली होटलमा बस्नेलाई करमा छुट दिने नीति बनाउने हो भने आन्तरिक होटल चल्ने सक्ने बताए । त्यसका लागि पनि सरकारले कर्मचारीलाई १ महिनाको तलब दिएर पठाउनुपर्ने बताए ।