अर्घाखाँचीको शितगंगा नगरपालिकाको क्वारेन्टिनमा रहेका एक पुरुषले आ-त्मह-त्या गरेका छन्।
शितगंगा नगरपालिका वडा नं.५ स्थित हरी माविको क्वारेन्टिनमा रहेका सोहि वडाका ४४ वर्षीय देवबहादुर विकले झुण्डि-एर आ त्मह त्या गरेका हुन् ।
विद्यालयको एउटा कोठामा सँगै बसेका दुईजना साथीहरु निदाएपछि उनले रातिमा विद्यालय नजिकैको एक रूखमा झु-ण्डिएर प्राण त्याग गरेको जिल्ला प्रहरी कार्यालय अर्घाखाँचीले जानकारी दिएको छ ।
उनको २४ गते गरिएको आरडीटी परीक्षण रिपोर्ट पोजेटिभ आएको थियो ।
पीसीआर परीक्षणका लागि २५ गते उनको स्वाबको नमुना लिएर प्रादेशिक प्रयोगशाला भैरहवा पठाइएको थियो । तर अहिलेसम्म पनि उनको कोरोना परीक्षणको पिसिआर रिपोर्ट भने आएको छैन् ।
उनी भारतको पञ्जाबबाट आएर क्वारेन्टाइनमा बसेका थिए । उनी भारतबाट आएको २५ दिन भएको थियो । उक्त क्वारेन्टाइनमा अन्य २५ जना व्यक्तिहरु रहेका छन् ।
प्रहरीका अनुसार स्वावको रिपोर्ट नआउँदासम्म शव रहने छ ।
त्यस्तै बाग्लुङको बलेवाका एक युवा क्वारेन्टिनमा बस्नुपर्ने भएपछि भीरबाटह हाम फालेर आ त्मह त्याको प्रयास गरेका छन । सोमबार बिहान बाग्लुङ नगरपालिकाको वडा नम्बर १३ पैयुँपाटाका चन्द्र बहादुर नेपाली पर्वतको चुवा भीरबाट हाम फालेका हुन ।
उनको टाउकोमा गम्भीर चोट लागेका कारण पर्वत अस्पतालमा प्राथमिक उपचारपछि थप उपचारका लागि मनिपाल शिक्षण अस्पताल पोखरा पठाइएको थियो तर बाटोमै उनको निधन भएको छ ।
यी दुई घटनाबाट कोरोनाले मानिसहरुले मानसिक त्रास सिर्जना गरिरहेको छ भन्ने कुरा प्रष्ट भैसकेको छ । क्वारेन्टाइको अव्यवस्थित बसाइले गर्दा पनि मानिसहरु मानिसक रुपमा विक्षिप्त बनिरहेका छन् ।