शनिवारयता नेपालमा कोरोना भाइरसको सङ्क्रमण हुने दर १०० भन्दा तल नै पाइएको छ ।
स्वास्थ्य मन्त्रालयका अनुसार आज नेपालमा नेपालमा थप ७४ जनामा कोरोना संक्रमणको पुष्टि भएको छ ।
पछिल्लो २४ घण्टामा ३ हजार ५१२ जनाको परीक्षणमा पीसीआरबाट ३९ जना र एन्टिजेनबाट ३५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । यससँगै कोरोनाका सक्रिय संक्रमितको संख्या १ हजार ६१९ जना पुगेको छ । पछिल्लो २४ घण्टामा १६० जना संक्रमणमुक्त भएका छन् ।
असोज १ गते शनिबार नेपालमा ६३ जनामा सङ्क्रमण पुष्टि भएकोमा आइतबार ५९ जना, सोमबार ९१ जना र मंगलबार ७४ जनामा सङ्क्रमण देखिएको थियो ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
