नेपालमा कोरोना भाइरसबाट संक्रमित हुनेको संख्या शनिबार बेलुकासम्म ५८४ पुगेको छ ।

पछिल्लो तथ्यांक अनुसार सबैभन्दा धेरै बाँके जिल्ला १४२ (एकजनाले ज्यान गएको जोड्दा १४३) छन् भने पर्सामा ९१, कपिलवस्तुमा ७७, रुपन्देहिमा ३७, झापामा ३६, उदयपुरमा र सर्लाहीमा ३३-३३ जना, रौतहटमा २२ जना, काठमाडौंमा १२ जना, बारामा ११ जना संक्रमित भेटिएका हुन् ।

त्यस्तै धनुषामा ९ जना, धनकुटा र कैलालीमा ७ जना संक्रमित फेला परेका छन् ।

चितवन र नवलपरासी (पश्चिम) मा ६-६ जना भेटिएका छन् ।

मोरङमा र बैतडीमा अहिलेसम्म ५ जनामा कोरोना भाइरसको पुष्टि भएको छ ।

दाङ र भक्तपुरमा ४-४ जना, महोत्तरी, धादिङ्ग, सुनसरी, मकवानपुर, बर्दिया र सुर्खेतमा ३-३ जना संक्रमित भेटिएका छन् ।

नवलपरासी (पूर्व), बाग्लुङ र सप्तरीमा २-२ जना संक्रमित भेटिएका छन् ।

१ जनामा संक्रमित भेटिएको जिल्लाको संख्या १३ पुगेको छ । जसमा भोजपुर, कञ्चनपुर सिराहा, काभ्रे, सिन्धुपाल्चोक, गुल्मि, खोटाङ्ग, दैलेख, ललितपुर, रामेछाप, सिन्धुली, लमजुङ्ग र डडेलधुरा रहेका छन् ।

अहिलेसम्म ७० जना निको भएर फर्केका छन् भने ३ जनाले कोरोनाको कारण ज्यान गुमाएका छन् ।

हेर्नुहोस कुन जिल्लामा कति संक्रमित