प्रधानमन्त्री केपी शर्मा ओलीले नेकपा कम्युनिस्ट पार्टी (नेकपा)को सचिवालय बैठकमा कोरोना भाइरसको महामारी सकिएपछि उपाध्यक्ष बामदेव गौतमलाई प्रधानमन्त्री बनाउने प्रस्ताव अघि सारेका छन् । साथै पार्टीमा वरिष्ठ नेता माधवकुमार नेपाललाई अध्यक्ष बनाउने उनको प्रस्ताव छ ।
नेकपामा विवाद चर्किको बेला बुधबार सााझ बालुवाटारमा नेकपा सचिवालय बैठक बसेको थियो । बैठकमा सुरुमा अर्का अध्यक्ष पुष्पकमल दाहाल प्रचण्डलाई बोल्न दिएका उनले बीचमा रोक्दै माधव र बामदेवबारे प्रस्ताव राखेका हुन् ।
उनले कोरोना भाइरसको संकट सकिएपछि आफूले प्रधानमन्त्री छाड्ने र उपाध्यक्ष गौतमलाई प्रधानमन्त्री बनाउने प्रस्ताव गरे । यसका लागि राष्ट्रिय सभा सदस्य पनि प्रधानमन्त्री हुने गरी संविधान संशोधन गर्न वा प्रतिनिधिसभाको कुनै एक सिट खाली गरेर पनि ल्याउन आफू तयार रहेकेा उनले बताए ।
प्रधानमन्त्री केपी शर्मा ओली, कार्यकारी अध्यक्ष पुष्पकमल दाहाल प्रचण्ड, वरिष्ठ नेता माधवकुमार नेपाल पक्षबिच पार्टी र सरकारको नेतृत्वलाई लिएर तिव्र ध्रुवीकरणको अवस्था छ ।
केपी शर्मा ओलीलाई प्रधानमन्त्री पदबाट हटाउने कि यथावत राख्ने भन्नेमा पार्टीका दुई खेमा सांसद तानातानको स्थितिमा पुगेका हुन् । प्रचण्ड माधव नेपालसहितको एक पक्षले प्रधानमन्त्री समेत रहेका पार्टी अध्यक्ष केपी ओलीलाई दुवै पदबाट हटाउनुपर्ने र प्रधानमन्त्री ओली समूहले अहिलेको आवश्यकता केपी ओली नै भएकोले कुनै हालतमा हटाउन नमिल्ने भन्दै हस्ताक्षर अभियान चलाइरहेका छन् ।
यस्तो अवस्थामा प्रधानमन्त्रीको यो प्रस्तावले माहोल पूरै परिवर्तन भएको छ । प्रधानमन्त्री केपी शर्मा ओलीले किन एकाएक यसरी आफ्नो कुर्सी छाड्न आँटे भनेर सबै चकित परिरहेको अवस्था छ ।
भलै केही दिनको लागि पार्टी भित्र देखिएको आन्तरिक गुट मत्थर पार्न ओलीले यो नयाँ चालबाजी खेलेका हुन भन्ने अड्कलबाजी समेत राजनैतिक वृतमा पाइएको छ ।
चिनको बढ्यो चासो
पछिल्लो समय नेपालको राजनीतिमा चासो राख्दै आएको छिमेकी देश चीनले नेपालको राजनीतिक खिचातानी बढ्न थालेपछि कुटनैतिक च्यानल मार्फत नेताहरूलाई सन्देश दिएको बुझिएको छ ।
र यो पनि पढ्नुहोस् : चिनियाँ राष्ट्रपतिको नेकपालाई सन्देश: अहिले कोरोनासँग लड्नुस, कुर्सीका लागि पछि लडौंला
काठमाडौस्थित चिनियाँ दूतावासको रिपोर्ट बेइजिङ पुगेपछि पुगेपछि सी आफैंले चासो दिदैं सत्तारूढ नेकपाका नेताहरू सहित प्रधानमन्त्री ओलीलाई राष्ट्रपति सीले अहिले कुर्सीका लागि लड्न तिर नलागेर कोरोना सँग लड्न एकजुट हुन सन्देश पठाएको स्रोतको दावी छ ।
अहिलेको अवस्थामा नेकपा विभाजन हुने अमेरिकी र भारतीय समर्थनमा सरकार बन्ने खतरा देखिएपछि सीले नेपालको राजनीतिलाई नियालिरहेको बताइन्छ ।
