मोरङ – झापाको मेची नाकाको काँकडभिट्टा भएर आउने अत्यावश्यक सामानको पनि आयात निर्यात रोकिएको छ । भारतको पश्चिम बङ्गाल सरकारले चार दिनदेखि सीमामा सिल गरेपछि सबै सामानको आयात निर्यात रोकिएको जिल्ला प्रशाससन कार्यालय झापाले जनाएको छ ।
कोरोना भाइरस (कोभिड १९) रोकथामका लागि भन्दै पश्चिम बङ्गाल सरकारले नाका सिल गरेको जानकारी प्राप्त भएको झापाका प्रमुख जिल्ला अधिकारी उदयबहादुर रानामगरले जानकारी दिनुभयो ।
नाका पूरै सिल गर्दा अत्यावश्यक वस्तुको आयात समेत रोकिएको हो । यसबारेमा माथिल्लो निकायलाई जानकारी गराइसकेको र अत्यावश्यक सामान आयात नरोक्न पहल भइरहेको भन्ने जानकारी प्राप्त भएको उहाँको भनाइ छ । चार दिन अघिसम्म काँकडभिट्टा नाकाबाट ग्यास, तरकारी खाद्यान्नलगायतका अत्यावश्यक वस्तु नेपाल आयात भइरहेको थियो ।