बितेको २४ घण्टामा काठमाडौं उपत्यकामा ४२८ जनामा कोरोना भाइरसको सङ्क्रमण देखिएको छ । आज देखिएको सङ्ख्या हिजो (शुक्रबार) को तुलनामा थोरै हो । हिजो काठमाडौं उपत्यकामा ५४१ जनामा सङ्क्रमण देखिएको थियो ।
स्वास्थ्य तथा जनसंख्या मन्त्रालयले शनिबार अपरान्ह सार्वजनिक गरेको विवरणअनुसार आज काठमाडौंमा २९९, भक्तपुरमा ५२ र ललितपुरमा ७७ जनामा सङ्क्रमण देखिएको हो ।
सक्रिय सङ्क्रमित ७ हजार माथि
काठमाडौं उपत्यकाका तीन जिल्लामा रहेका सक्रिय सङ्क्रमितको सङ्ख्या ७ हजार माथि रहेको छ । शनिबार अपरान्हसम्म देशभर २५ हजार ९५२ सक्रिय सङ्क्रमित हुँदा यी तीन जिल्लामा ७ हजार ३९९ सक्रिय सङ्क्रमित रहेका छन् ।
सक्रिय सङ्क्रमित भनेको कोरोना भाइरसको सङ्क्रमण भएर होम आइसोलेसन (एकान्तवास) मा रहेका, अस्पतालमा उपचार गराइरहेका वा समुदायले बनाएको आइसोलेसन सेन्टरमा रहेका बिरामीहरुको सङ्ख्या हो ।
पछिल्लो विवरणअनुसार काठमाडौंमा ५ हजार ५४० भक्तपुरमा ९०८ र ललितपुरमा ९५१ सक्रिय सङ्क्रमित रहेका छन् ।
[wpna hide=’ia’]
२१ जनाको निधन : आज सङ्क्रमितभन्दा निको हुने बढी
वितेको २४ घण्टामा नेपालमा २१ जनाको कोरोना भाइरसको सङ्क्रमणको कारण निधन...
शनिवार, साउन २ २०७८[/wpna]
देशभर कोरोनाको कारण ज्यान गुमाउनेको सङ्ख्या ९ हजार ५२७ पुग्दा उपत्यकाभित्र ज्यान गुमाउनेको सङ्ख्या २ हजार ८७३ रहेको छ । अहिलेसम्म ललितपुरमा ५७१, भक्तपुरमा ३७४ र काठमाडौंमा १ हजार ९२८ जनाले यही भाइरसको कारण ज्यान गुमाउनु परेको छ ।
