रास्वपाका उपसभापति तथा कानुन, न्याय तथा संसदीय मामिलामन्त्री सोबिता गौतमले सरकार काम गर्ने दिशामा रहेको बताएकी छन्।
चितवनमा आफ्नो निर्वाचन क्षेत्रका स्थानीयहरुसँग कुरा गर्दै मन्त्री गौतमले सरकारले गरेका कामको परिणाम देखिन केही समय लाग्ने बताएकी हुन्।
प्रतिनिधिसभा चुनावमा गरेका बाचाअनुसार काम गरिरहेको मन्त्री गौतमको भनाइ थियो । यसबीचमा मतदातासँग भेट्ने र सरकारमा रहेर काम पनि गर्नुपर्ने उनको भनाइ थियो । कामलाई प्राथमिकता दिइरहेको पनि उनको भनाइ थियो। ‘चुनावको बेलामा ‘हामी राम्रो काम गर्छौं’ भनेर भोट माग्दै हिँडियो । अब त कामै गर्नुपर्यो’, गौतमले भनिन्, ‘मतदाता भेट्न नि पर्छ तर त्यो भन्दा धेरै काम गर्नुपर्यो । काम भइराखेको छ । हामी सही दिाशमा छौं । नतीजा देखिन थोरै समय लाग्छ । बिस्तारै देखिन्छ ।’
मतदाताले भने सरकारले राम्रो काम गर्नुपर्ने बताएका थिए। सरकारले आगामी दिनमा पनि राम्रो काम गर्ने अपेक्षा रहेको गौतमको निर्वाचन क्षेत्रका मतदाताले भनेका थिए। एक मतदाताले नेताहरुले आफ्ना निर्वाचन क्षेत्रमा पनि काम गर्नुपर्ने र देशको काम पनि गर्नुपर्ने बताएका थिए। ती मतदताले भने, ‘सम्झँदै गरे, सम्झी सम्झी रुने काम नगरे ।’ नेताले आफ्नो निर्वाचन क्षेत्रमा पनि काम गर्नपर्ने ती मतदाताको भनाइ थियो।
