काठमाडौं -भोटेकोशीमा आएको भीषण बाढीका कारण प्रभावित भएका नागरिकहरूको राहत तथा उद्धारका लागि नेपाली कला, सङ्गीत र चलचित्र क्षेत्रका व्यक्तित्वहरूले स्वतःस्फूर्त रूपमा आर्थिक तथा भौतिक सहयोगको घोषणा गरेका छन्।
बाढीपीडितको मलम बन्नका लागि विभिन्न गायक, नायक, निर्देशक तथा प्राविधिकहरूले व्यक्तिगत र संस्थागत रूपमा रकम संकलन गरी हस्तान्तरण गर्ने क्रम जारी राखेका हुन्।
नगद सहयोग गर्ने कलाकार तथा संस्थाहरू:
विवेक श्रेष्ठ (कन्दरा ब्याण्ड): रु. २१ लाख
फिल्म ‘पार्वती’ टिम: झण्डै रु. १२ लाख
सुशान्त केसी (गायक): रु. १० लाख
पारस बम ठकुरी ‘कुल ब्वाय’: रु. ५ लाख
जोन एन्डी लोकल्स ब्यान्ड: रु. ५ लाख
दीपकराज गिरी र दीपाश्री निरौला: रु. ३ लाख
वर्षा शिवाकोटी (अभिनेत्री): रु. ३ लाख
भुवन–बसुन्धरा–चैत्य फाउण्डेशन: रु. ३ लाख
नीति शाह र त्रिसरा रेस्टुरेन्ट: रु. ३ लाख
विपना थापा तथा डा. आशुतोष भारद्वाज: रु. २ लाख ५१ हजार १११
फिल्म ‘बा ए योद्धा’ टिम: रु. २ लाख
मह जोडी (मदनकृष्ण श्रेष्ठ र हरिवंश आचार्य): रु. २ लाख
विराज भट्ट: रु. १ लाख ५१ हजार
गीतकार संघ नेपाल: रु. १ लाख १५ हजार
फिल्म ‘युग’ टिम: रु. १ लाख १ हजार
रचना रिमाल: रु. १ लाख
बेनिशा पौडेल: रु. १ लाख
मेलिना राई: रु. १ लाख
प्रकाश सपूत: रु. १ लाख
बिनिता कार्की: रु. ६१ हजार २४२
रोहित अधिकारी: रु. ५१ हजार ५००
विपिन कार्की: रु. ५१ हजार
जितु नेपाल: रु. ५१ हजार
चक्र बम: रु. ५१ हजार
माल्भिका सुब्बा: रु. ५० हजार
शान्तिश्री परियार: रु. ५० हजार
टीका सानु: रु. ५० हजार
गोविन्द शाही: रु. ५० हजार
सुशील पोखरेल: रु. ३३ हजार ३३३
हिमाल सागर: रु. २७ हजार ७७७
शिव परियार: रु. २५ हजार
एलिना चौहान: रु. २५ हजार
चन्द्र शर्मा: रु. २५ हजार
दीपिका व्याम्बु: रु. २५ हजार
प्रताप दास: रु. २५ हजार
अर्जुन सापकोटा: रु. २५ हजार
मञ्जु पौडेल: रु. २५ हजार
शिवशंकर रिजाल: रु. २१ हजार
राधिका हमाल: रु. २१ हजार
मेनुका माझी: रु. २० हजार
रामकृष्ण ढकाल: रु. ११ हजार
आनन्द कार्की: रु. ११ हजार
(नोट: अभिनेता अनमोल केसी र गायिका समीक्षा अधिकारीले पनि आर्थिक सहयोगको घोषणा गरे तापनि सहयोग रकम भने खुलाइएको छैन।)
राहत सामग्री वितरण, उद्धार र च्यारिटी अभियान
आर्थिक सहयोग बाहेक थुप्रै कलाकारहरू प्रत्यक्ष रूपमा प्रभावित क्षेत्रमा पुगेर उद्धार तथा राहत वितरणमा खटिएका छन्:
‘जुठे’ तथा ‘हल्का रमाइलो’ टोली (बल्छी धुर्बेसहित): करिब रु. १ लाख बराबरको खाद्यान्न तथा राहत सामग्री प्रत्यक्ष वितरण।
प्रत्यक्ष राहत तथा उद्धारमा सक्रिय कलाकारहरू: पल शाह, दुर्गेश थापा, रविन्द्रसिंह बानियाँ, रौनक विक्रम कँडेल र बिहानी पंगेनी प्रत्यक्ष रूपमा बाढीप्रभावित क्षेत्रमा पुगेर उद्धार तथा राहत सामग्री वितरणमा जुटेका छन्।
विशेष परोपकारी घोषणा: निखिला उप्रेतीले बाढीपीडितको सहयोगार्थ (च्यारिटीका लागि) फिल्म ‘आचार्य’को एक विशेष शो आयोजना गर्ने घोषणा गरेकी छन्।
कलाकारहरूको यो सक्रियताले विपत्तिको घडीमा बाढीपीडितहरूका लागि ठूलो राहत र हौसला मिलेको छ।
