पोखरा। भदौ १० गते भोटेकोशी नदीमा आएको बाढीमा परी ज्यान गुमाएका १०२ जनामध्ये पोखरा ल्याइएका १६ जनाको शव सनाखत भएको छ। बाँकी शवको पहिचान हुन नसकेपछि स्थानीय प्रशासनले व्यवस्थापनको प्रक्रिया अघि बढाएको छ।
पहिचान हुन नसकेका शवलाई पोखरा महानगरपालिका–१६ स्थित सिँचाइको स्वामित्वमा रहेको जमिनमा समाधिस्थ गर्ने तयारी गरिएको छ।
शव व्यवस्थापनका लागि उक्त स्थानमा तीनवटा एक्साभेटर प्रयोग गरी खाडल खन्ने काम भइरहेको छ। स्थानीय प्रशासनले पहिचान हुन नसकेका मृतकको शव व्यवस्थापनका लागि आवश्यक प्रक्रिया अघि बढाएको जनाएको छ।
