काठमाडौँ । उपत्यकामा चोरी भएका ६५ वटा दुईपांग्रे सवारी साधन सम्बन्धित धनीलाई फिर्ता गरिएको छ । काठमाडौँ उपत्यका ट्राफिक प्रहरी कार्यालयले विभिन्न स्थानमा चोरी भई फेला परेका ती सवारी साधन एक कार्यक्रममार्फत सम्बन्धित धनीलाई हस्तान्तरण गरेको हो ।
सवारी फिर्ता पाएपछि धनीहरूले ट्राफिक प्रहरीप्रति आभार प्रकट गर्दै सम्मानसमेत व्यक्त गरेका थिए । यसैबीच, कार्यालयका अनुसार पटक-पटक ट्राफिक नियम उल्लंघन गर्ने ३१ वटा चालक अनुमति पत्र निलम्बनका लागि यातायात व्यवस्था विभागमा सिफारिस गरिएको छ ।
कार्यालयका एमएसपी नवराज अधिकारीका अनुसार लगातार नियम उल्लंघन गर्ने चालकहरूका सम्बन्धमा आवश्यक कानुनी प्रक्रिया अघि बढाइएको हो ।
