नेपालमा सोमबार अर्थात आज भाइटिकाको दिन कोरोना भाइरसको संक्रमणबाट ९ जनाले ज्यान गुमाएका छन् ।
स्वास्थ्य तथा जनसंख्या मन्त्रालयले सोमबार सार्वजनिक गरेको तथ्यांकअनुसार १ हजार १९७ नयाँ संक्रमित फेला पर्दा निको हुनेको संख्या २ हजार ९३४ पुगेको छ ।
निको हुनेको संख्या नयाँ संक्रमितभन्दा दोब्बरभन्दा बढी छ ।
आजसम्म कूल संक्रमितको संख्या २ लाख १० हजार ९७३ पुगेको छ भने निको हुनेको संख्या १ लाख ७६ हजार ३६४ पुगेको छ ।
अहिले सक्रिय संक्रमितको संख्या ३३ हजार ३७९ रहेको मन्त्रालयले जनाएको छ ।
कोरोना भाइरसको संक्रमणबाट नेपालमा अहिलेसम्म १ हजार २३० जनाको निधन भैसकेको छ ।
मन्त्रालयका अनुसार १६ लाख १३ हजार ९११ जनाको परिक्षण गरिएको छ भने क्वारेन्टिनमा बस्नेको संख्या १ हजार १३ छ ।