काठमाडौं – इरानका वरिष्ठ सैन्य अधिकारी मोहम्मद जाफर असदीले अमेरिका सँग पुनः युद्ध सुरु हुन सक्ने आशंका व्यक्त गरेका छन् । फार्स न्यूज एजेन्सीका अनुसार उनले अमेरिकाको सबै गलत कदमहरुको जवाफ दिने बताएका हुन् ।
उनले भनेका छन्, ‘इरानको सेना पूर्ण रूपमा तयारी अवस्थामा रहेको छ । यदि अमेरिकाले कुनै गलत कदम चाल्यो भने त्यसको कडा जवाफ दिइनेछ ।’ साथै उनले अमेरिका कुनै पनि सम्झौता वा वाचा पालना नगर्ने आरोप समेत लगाएका छन् ।
असदीका अनुसार अमेरिकी अधिकारीहरूको बयान र गतिविधि प्रायः देखावटी र मिडियाका लागि मात्र हुने गर्छन् । उनका अनुसार यसको उद्देश्य पहिलो-तेलको मूल्य घट्नबाट रोक्नु र दोस्रो – आफ्नै सिर्जना गरेको कठिन अवस्थाबाट बाहिर निस्कनु हो ।
उता, अमेरिकी राष्ट्रपति डोनाल्ड ट्रम्पले भनेका छन् कि उनी कुनै पनि हालतमा इरानलाई आणविक हतियार प्राप्त गर्न दिने छैनन्, किनकि यसले विश्व सुरक्षामा ठूलो खतरा निम्त्याउँछ । यही कारणले अमेरिकाले इरानविरुद्ध कडा कदम चाल्न बाध्य भएको उनले बताएका छन् ।
