काठमाडौँ। कैलालीको धनगढी उपमहानगरपालिका-१३ मा दुई समूहबीच झडप भएको छ ।
मंगलबार साँझ झडप भएपछि अवस्था नियन्त्रणमा लिनका लागि प्रहरीले हवाइ फायरिङ पनि गरेको छ । जिल्ला प्रहरी कार्यालयका प्रवक्ता डीएसपी योगेन्द्र तीमील्सीनाका अनुसार प्रहरीले ६ राउन्ड हवाइ फायर गरेको हो ।
उक्त झडपका क्रममा दुई जना प्रहरी पनि घाइते भएका छन् । घाइते हुनेमा इन्स्पेक्टर बलराम पाण्डे, असई सई डबल साउद र एक जना सर्वसाधारण रहको डीएसपी तीमल्सीनाले बताए ।
उनीहरूको अहिले सेती प्रादेशिक अस्पतालमा उपचार भइरहेको छ । प्रारम्भिक अनुसन्धानका क्रममा होली खेलेर बसेका उनीहरू मदिरा समेत सेवन गरिरहेको अवस्थामा झडप भएको प्रहरीले जनाएको छ । प्रहरीले झडपमा संलग्न १२ जनालाई नियन्त्रणमा लिएको छ ।
