कोशी अस्पताल विराटनगरको कोभिड–१९ उपचार केन्द्रमा थप एक जना कोरोना संक्रमितको मृत्यु भएको छ ।
विराटनगर महानगरपालिका–१० का ७६ वर्षीय पुरुषको सोमबार बिहान ३:१५ बजे मृत्यु भएको हो ।
उपचार केन्द्रका व्यवस्थापक ज्ञानबहादुर बस्नेतका अनुसार भदौ ११ गने संक्रमण पुष्टि भएका वृद्ध १० दिन होम आइसोलेसनमा बसेपछि स्वास्थ्यमा समस्या देखिएपछि अस्पताल भर्ना भएका थिए ।
उच्च रक्तचापको समस्याबाट ग्रसित मृतक बृद्ध गत शनिबार कोभिड उपचार केन्द्रमा भर्ना गरिएको कोशी अस्पतालका मेडिकल सुपरिटेन्डेन डा. चुमनलाल दासले बताए ।
प्रदेश १ मा हालसम्म ४२ जनाको मृत्यु भईसकेको छ । जसमध्ये प्रदेश २ का १२ जना रहेका छन् । विराटनगरका १५ जनाले ज्यान गुमाइसकेका छन् ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
