काठमाडौँ । नेपाली काँग्रेसका सभापति गगन थापाले देश अहिले अस्थिरता र तनावको चरणमा रहेकाले संयमित र जिम्मेवार नेतृत्व आवश्यक रहेको बताएका छन्। उनका अनुसार यस्तो भूमिकामा नेपाली काँग्रेस अग्रसर रहने क्षमता राख्छ।
काठमाडौँमा आयोजित एक कार्यक्रममा सम्बोधन गर्दै उनले विध्वंस र उत्तेजनालाई होइन, परिस्थितिलाई व्यवस्थित रूपमा नियन्त्रणमा राख्ने शक्तिलाई प्राथमिकता दिनुपर्ने धारणा व्यक्त गरे। मुलुकको राजनीतिक तथा प्रशासनिक व्यवस्थालाई सुदृढ बनाउने जिम्मेवारी काँग्रेसले वहन गर्न सक्ने उनले उल्लेख गरे।
सभापति थापाले पार्टी कार्यकर्तालाई अन्य राजनीतिक दल वा उम्मेदवारप्रति नकारात्मक अभिव्यक्ति नदिन आग्रह गर्दै मर्यादित राजनीतिक प्रतिस्पर्धामा जोड दिए। साथै, उनले काँग्रेसभित्र आन्तरिक विभाजन नरहेको स्पष्ट पार्दै संगठन एकताबद्ध रूपमा अघि बढिरहेको बताए।
उनले वर्तमान चुनौतीको सामना गर्न काँग्रेसले समन्वय, जिम्मेवारी र सुधारमुखी दृष्टिकोणका साथ काम गर्ने प्रतिबद्धता व्यक्त गरेका छन्।
