काठमाडौँ । नेपाली काँग्रेसका नेता पूर्णबहादुर खड्काले देउवा पक्षका तर्फबाट सर्वोच्च अदालतमा दायर गरिएको रिट फिर्ता लिने विषयमा आफू सहमत नरहेको स्पष्ट पारेका छन्। केही सञ्चारमाध्यममा रिट फिर्ता हुने भन्ने समाचार प्रकाशित भएपछि खड्काले उक्त जानकारी तथ्यहीन र भ्रामक रहेको जनाएका हुन्।
नेता खड्काका अनुसार २०८२ माघ २ गते निर्वाचन आयोगले नेपाली काँग्रेससँग सम्बन्धित विषयमा गरेको निर्णयलाई अवैधानिक ठहर गर्दै २०८२ माघ ४ गते सर्वोच्च अदालतमा न्यायको मागसहित रिट दायर गरिएको थियो। उक्त रिट फिर्ता लिने कुनै सहमति वा निर्णय नभएको उनले स्पष्ट पारेका छन्।
उनले संवेदनशील राजनीतिक तथा कानुनी विषयमा सम्बन्धित पक्षसँग प्रत्यक्ष सम्पर्क नगरी अनुमानका आधारमा समाचार सम्प्रेषण नगर्न सञ्चारमाध्यमलाई आग्रह गरेका छन्।
