विराटनगर । धरानस्थित भाटभटेनीमा जलेको अवस्थामा शव फेला परेको छ।
जेनजी आन्दोलनका क्रममा धरानको भाटभटेनीमा आगजनी भएको थियो। आज बिहान आगो निभाउने क्रममा त्यहाँ शव फेला पारेको प्रहरीले जनाएको छ।
शव जलेको अवस्थामा कंकाल मात्रै फेला परेको छ। कसको हो भन्ने विषयमा पहिचान हुन सकेको छैन।
भाटभटेनीमा अरू तीनजना हराइरहेको जानकारी आएको प्रहरीले जनाएको छ। उनीहरूको खोजी भइरहेको प्रहरीले जानकारी दिएको छ।
