नेपालमा बिहीबारसम्म कोरोनाभाइरसविरुद्धको तीन करोडभन्दा बढी डोज खोप लगाइएको छ ।
स्वास्थ्य तथा जनसंख्या मन्त्रालयले बिहीबार अपरान्ह दिएको जानकारीअनुसार तीन करोड चार लाख ७५ हजार ५८९ डोज खोप लगाइएको छ ।
जसमा एक करोड ६४ लाख ५८ हजार ४७५ पहिलो मात्रा, एक करोड ३७ लाख ३४ हजार ३९० पूर्ण मात्रा र दुई लाख ८२ हजार ७२४ अतिरिक्त मात्रा लगाइएको मन्त्रालयको विवरणमा उल्लेख छ ।
नेपालमा चार करोड २० लाख ४९ हजार ६४० डोज खोप आएको हुँदा तीन करोड चार लाख ७५ हजार ५८९ डोज खोप लगाइएकाले अब एक करोड १५ लाख ७४ हजार ५१ डोज खोप बाँकी रहेको मन्त्रालयले जानकारी दिएको छ ।
पछिल्लो २४ घण्टामा पाँच लाख ५४ हजार ५६६ डोज खोप लगाइएको मन्त्रालयले जानकारी दिएको छ ।
१८ वर्ष भन्दा बढी उमेर समूहका ८२ दशमलव ६ प्रतिशतले खोपको एक डोज र ६८ दशमलव ९ प्रतिशतले पुरा डोज लगाएको मन्त्रालयले जनाएको छ ।
नेपालमा भेरोसेल, कोभिसिल्ड, जापानमा बनेको भेरोसेल र कोभिसिल्ड, कोभ्याक्स कार्यक्रममार्फत जापानबाट एष्ट्राजेनि, मोर्डना, जोनसन एन्ड जोनसन र फाइजर खोप लगाइएको छ ।