काठमाडौं । माथिल्लो त्रिशूली–३ ‘ए’ जलविद्युत् आयोजनाको सुरुङमा अड्किएका मेकानिकल फोरम्यान सञ्जय साहको शुक्रबार सकुशल उद्धार गरिएको छ।
सुरुङबाट उद्धार गरिएपछि साहलाई थप उपचार तथा स्वास्थ्य परीक्षणका लागि काठमाडौंको छाउनीस्थित नेपाली सेनाको अस्पताल ल्याइएको हो। लामो प्रयासपछि उनलाई जीवितै उद्धार गरिएको हो।
साह सोही आयोजनामा मेकानिकल फोरम्यानका रूपमा कार्यरत थिए। गत भदौ १० गते भोटेकोशीमा आएको बाढीका कारण उनी आयोजनाको सुरुङभित्र फसेका थिए।
बाढीका कारण हालसम्म १ हजार २ सय जनाको मृत्यु भएको र २ हजार २ सयभन्दा बढी नागरिक अझै बेपत्ता रहेको जानकारी दिइएको छ।
