काठमाडौं । २१३औँ भानु जयन्तीको पूर्वसन्ध्यामा प्रतियोगात्मक महिला कविगोष्ठी आयोजना गरिएको छ ।
लायन्स क्लब अफ काठमाडौं होली स्माइल र युराशिया रेयुकाई ११औँ शाखाको संयुक्त आयोजनामा सम्पन्न कविगोष्ठीमा ३० भन्दा बढी कविले आफ्ना कविता वाचन गरेका थिए ।
प्रतियोगितामा अनुश्री आचार्य प्रथम, अम्बिका नेपाली द्वितीय, सुमित्रा बजगाईं तृतीय तथा ललिता दोषी चौथो स्थान हासिल गर्न सफल भएका थिए । विजेताहरूलाई कार्यक्रमका प्रमुख अतिथि युराशिया रेयुकाई ११औँ शाखाका जिम्मेवार शिबुचो रोशनकृष्ण न्याछ्यौँ र लायन्स क्लब अफ काठमाडौं होली स्माइलकी अध्यक्ष रुपा कार्कीले नगद पुरस्कारसहित प्रमाणपत्र प्रदान गरेका थिए ।
प्रतियोगिताको निर्णायक मण्डलमा साहित्यकारहरु राजेन्द्र सलभ, भवानी खतिवडा र रञ्जना निरौला रहेका थिए । कार्यक्रममा कविता वाचन गर्ने सबै कविलाई सहभागिताको प्रमाणपत्र पनि वितरण गरिएको थियो ।
यसैबीच, सोमबार २१३औँ भानु जयन्ती विविध कार्यक्रमका साथ मनाइने जनाइएको छ ।
