काठमाडौँ । माध्यमिक शिक्षा परीक्षा (एसइई) २०८१ को नतिजा सार्वजनिक गरिएको छ, जसअनुसार ठूलो संख्यामा विद्यार्थी नन ग्रेडेड (अवर्गीकृत) सूचीमा परेका छन्।
राष्ट्रिय परीक्षा बोर्डले सोमबार नतिजा सार्वजनिक गर्दै परीक्षामा सहभागीमध्ये १ लाख ४६ हजार ५०७ विद्यार्थीले न्यूनतम ग्रेड प्राप्त गर्न नसकेको जानकारी दिएको छ।
यस वर्ष कुल ४ लाख ३० हजार ६६७ विद्यार्थी एसइई परीक्षामा सहभागी भएका थिए। बोर्डका अनुसार नन ग्रेडेड हुने विद्यार्थी संख्या अघिल्लो वर्षको तुलनामा घटेको देखिएको छ। गत वर्षभन्दा यसपटक करिब २१ हजारले कम विद्यार्थी नन ग्रेडेड भएका हुन्, जसअनुसार अघिल्लो वर्ष १ लाख ६७ हजारभन्दा बढी विद्यार्थी अवर्गीकृत भएका थिए।
नतिजाले समग्र शैक्षिक उपलब्धिमा सुधार देखिए पनि उल्लेख्य संख्यामा विद्यार्थी न्यूनतम मापदण्ड पूरा गर्न असफल भएको तथ्यांकले देखाएको छ।
