काठमाडौँ । अध्यागमन सम्बन्धी कसुर गरेको आरोपमा पछिल्लो तीन महिनामा १२४ विदेशी नागरिकलाई डिपोर्ट गरिएको छ ।
अध्यागमन विभागका महानिर्देशक रामचन्द्र तिवारीका अनुसार ओभर स्टेदेखि विभिन्न अध्यागमनसम्बन्धी अपराध गरेको आरोपमा १२४ विदेशी नागरिकलाई पछिल्लो तीन महिनामा डिपोर्ट गरिएको हो ।
विभिन्न भिसामा नेपाल आउने र यहाँ आएर अध्यागमन कानुन उल्लंघन गर्नेहरूमाथि कडाइका साथ कारबाही प्रक्रिया अघि बढाइएको उनले बताएका छन् ।
