काठमाडौं, १५ असोज । नेपाली बजारमा आज0 मंगलबार सुनचाँदीको मूल्य अघिल्लो दिनको तुलनामा केही मात्रामा घटेको छ ।

आज सुनको मूल्य तोलामा ५ सय रुपैयाँले घटेर तोलाको एक लाख ६० हजारमा कारोबार भइरहेको नेपाल सुनचाँदी व्यवसायी महासंघले जनाएको छ । यसअघि सोमबार सुनको मूल्य एक लाख ६० हजार ५ सयमा कारोबार भएको थियो ।

असोज ११ गते सुनको मूल्य अहिलेसम्मकै उच्च भएको थियो । उक्त दिन छापावाल सुनको मूल्य तोलाको एक लाख ६१ हजार दुईसयमा कारोबार भएको थियो ।

त्यस्तै आज चाँदीको मूल्य पनि घटेको छ । आज चाँदीको मुल्य १५ रुपैयाँले घटेर १९२५ रुपैयाँमा कारोबार भइरहेको महासंघले जनाएको छ ।