काठमाडौँ, ८ असोज । नेपाली बजारमा आज सुनको मूल्य अहिलेसम्मकै उच्च कायम भएको छ ।
नेपाल सुनचाँदी व्यवसायी महासंघका अनुसार आज छापावाला सुनको मूल्य तोलाको एक लाख ६० हजार ४०० कायम भएको छ । यो मूल्य अहिलेसम्मकै उच्च हो ।
हिजो सुनको मूल्य तोलाको एक लाख ५९ हजार ७०० कायम भएको थियो । हिजोको मूल्यमा आज तोलामा ७०० रुपैयाँले वृद्धि हुँदा आजको मूल्य इतिहासकै सर्वाधिक कायम भएको हो ।
यसअघि आइतबार र सोमबार र मंगलबार पनि हालसम्मकै उच्च मूल्यमा सुनको कारोबार भएको थियो। बुधबारसहित लगातार चार दिन सुनको मूल्यले नयाँ रेकर्ड बनाएकाे छ ।
सुनको मूल्य बढ्दा चाँदीको मूल्य पनि बढेको छ । चाँदीको मूल्य अघिल्लो दिनको तुलनामा तोलामा ४० रुपैयाँले बढेर प्रतितोला एक हजार ९५५ मा कारोबार भइरहेको महासंघले जनाएको छ ।
असोज १ गतेदेखि ९ गतेसम्म सुनको मूल्य ग्राफमा
