काठमाडौँ, ६ असोज । नेपाली बजारमा आज सुनको मूल्य सर्वाधिक कायम भएको छ । । आइतबार सुन तोलामा १७ सयले बढेपछि आज प्रतितोला एक लाख ५८ हजार आठ सय रुपैयाँ कायम भएको हो ।
यो सुनको अहिलेसम्मकै उच्च मुल्य हो । यसअघि भाद्र ३१ गते सुनको मूल्य उच्च थियो । उक्त दिन एक लाख ५७ हजार तीनसय रुपैयाँमा सुनको कारोबार भएको थियो ।
त्यस्तै आज चाँदीको मूल्य पनि बढेको छ । चाँदीको मूल्य तोलामा ५ रुपैयाँले बढेर प्रतितोला १९२० रुपैयाँमा कारोबार भईरहेको नेपाल सुनचाँदी व्यवसायी महासंघले जानकारी दिएको छ ।
