काठमाडौं, २ असोज । नेपाली बजारमा आज सुनचाँदीको मूल्य घटेको छ ।
भाद्र ३१ गते अहिलेसम्मकै धेरै मूल्यमा कारोबार भएको सुनको मूल्य त्यसपछिका दिनहरूमा क्रमश घट्दै गइरहेको हो ।
हिजो मंगलबारको तुलानामा आज सुनको मूल्य तोलामा तीन सय रुपैयाँले घट्दै प्रतितोला एक लाख ५६ हजार चारसयमा कारोबार भइरहेको नेपाल सुनचाँदी व्यवसायी महासंघले जनाएको छ ।
सोमबार (भाद्र ३१) गते एक लाख ५७ हजार तीनसयमा कारोबार भएको सुन हिजो (मंगलबार) एक लाख ५६ हजार सात सय भएको थियो । सोमबारको मूल्य अहिलेसम्मकै सर्वाधिक हो ।
सुनको मूल्यमा गिरावट आउँदा चाँदीको मूल्य पनि घटेको महासंघले जनाएको छ । चाँदी तोलामा पन्ध्र रुपैयाँले घटेर एक हजार ८९० रुपैयाँमा कारोबार भइरहेको महासंघले जनाएको छ ।
