काठमाडौं, १ असोज । नेपाली बजारमा आज सुनचाँदीको मूल्य घटेको छ ।
हिजो भाद्र ३१ गते अहिलेसम्मकै धेरै मूल्यमा कारोबार भएको सुनको मूल्य आज तोलामा ६०० रुपैयाँले घटेको नेपाल सुनचाँदी व्यवसायी महासंघले जनाएको छ ।
आज छापावाला सुनको मूल्य तोलाको एक लाख ५६ हजार ७०० कायम भएको छ । हिजो सुनको मूल्य तोलाको एक लाख ५७ हजार ३०० मा कारोबार भएको थियो । उक्त मूल्य अहिलेसम्मकै सर्वाधिक हो ।
सुनको मूल्यमा गिरावट आउँदा चाँदीको मूल्य पनि घटेको महासंघले जनाएको छ । चाँदी तोलामा दश रुपैयाँले घटेर एक हजार ९०५ रुपैयाँमा कारोबार भइरहेको महासंघले जनाएको छ ।
