काठमाडौँ, ३१ भाद्र । नेपाली बजारमा आज सुनको मूल्यले नयाँ रेकर्ड कायम गरेको छ ।
भाद्र महिनाको अन्तिम दिन आज ३१ गते सुनको मूल्य अहिलेसम्मकै उच्च कायम हुँदै नयाँ रेकर्ड कायम भएको हो ।
आज सुनको मूल्य तोलामा पाँच सय रुपैयाँले बढेर प्रतितोला एक लाख ५७ हजार तीनसय कायम भएको नेपाल सुनचाँदी व्यवसायी महासंघले जनाएको छ । महासंघका अनुसार यो मूल्य अहिलेसम्मकै सर्वाधिक हो ।
यसअघि आइतबार सुनको मूल्य प्रतितोला एक लाख ५६ हजार ८ सय रुपैयाँ कायम भएको थियो ।
त्यस्तै आज चाँदीको मूल्य भने बढेको छ । चाँदीको मूल्य तोलामा १५ रुपैयाँले बढ्दै प्रतितोला १९१५ रुपैयाँमा कारोबार भइरहेको महासंघले जानकारी दिएको छ ।
