विराटनगर, ३१ भाद्र । विराटनगर महानगरपालिका-१४ मा हिजो बेलुका भएको सवारी दुर्घटनामा एक जनाको निधन भएको छ ।
आइतबार (हिजो) राती १०:३० बजे कोशी लोकमार्गमा प्रदेश १-०२-०४४ प ८०८५ नम्बरको मोटरसाईकल सडक साइडमा रहेको यूपी ३६ पी 2891 नम्बरको ट्रकमा ठक्कर खाएर दुर्घटना भएको हो ।
उक्त दुर्घटनामा मोटरसाइकल चालक विराटनगर-१५ का १८ वर्षीय राजीव मण्डल र मोटरसाइकल पछाडि सवार रहेका विराटनगर-१० का २५ वर्षीय कृष्ण मण्ड घाइते भएका थिए ।
घाइतेलाई उपचारको लागी विराट नर्सिङ होम विराटनगर लगिएकोमा उपचारको क्रममा कृष्ण मण्डलको मृत्यु भएको हो ।
दुर्घटनामा संलग्न ट्रक र चालक भारत उत्तर प्रदेशका मक्सुद आलमलाई इलाका प्रहरी कार्यालय रानीले नियन्त्रणमा लिई घटना सम्बन्धमा थप अनुसन्धान गरिरहेको छ ।
फेसबुकमा मोहम्मद अफरोजले राखेको दुर्घटनाको भिडिओमा रोकिराखेको ट्रकमा मोटरसाइकल ठक्कर खाँदा मोटरसाइकलमा सवार दुईजना सडकको दुई किनारमा पुगेको देखिन्छ ।
