मोरङ, २७ भाद्र । मोरङको बुढिगंगा गाउँपालिका-५ मा करेन्ट लागेर एक दम्पतीको मृत्यु भएको छ ।
मृत्यु हुनेमा भारत भागलपुरका ७५ वर्षीय कैलाश मण्डल र उनको श्रीमती ७२ बर्षीया कुमा देवी मण्डल रहेका छन् ।
भदौ २६ गते बिहान बुढिगंगा-५ मा कोठा भाडामा लिई खेतीपाती गर्दै आएका दम्पतीले खेतमा पानी लगाउन मोटर जडान गरी ट्युबवेल चलाउने क्रममा विद्युत सर्ट भई करेन्ट लाग्दा दुवै जनाको घट्नास्थलमानै मृत्यु भएको हो ।
घटनास्थलमा जिल्ला प्रहरी कार्यालय मोरङबाट खटिएको टोलीले आवश्यक कानुनी प्रक्रिया गरी शव पोस्टमार्टमको लागी कोशी अस्पताल पठाएको छ ।
