भोजपुर, १८ श्रावण । जिल्लाको हतुवागढी गाउँपालिका-८ विद्यापोखरीमा प्रहरीले आज गाँजा फडानी गरेको छ ।
सात रोपनी पाखोबारीमा लगाइएका ५०० भन्दा बढी गाँजाका बोटहरू नष्ट गरिएको जिल्ला प्रहरी कार्यालय भोजपुरका नि. सूचना अधिकारी प्रहरी निरीक्षक दिपक कुमार श्रेष्ठले जानकारी दिए ।
गाँजा तयार हुनै नदिने नीतिअनुसार प्रत्येक वर्षजस्तै यसवर्ष पनि प्रहरीले फडानी कार्यलाई निरन्तरता दिएको प्रहरी निरीक्षक श्रेष्ठले बताए।
पूर्वी पहाडी जिल्लाहरूमा अवैध रुपमा गाँजा खेती हुने गरेको छ ।
