काँकडभिट्टा (झापा), ११ भाद्र । मेचीनगर-७ मदनबस्तीमा एक व्यक्ति मृत फेला परेका छन् ।
सोमबार दिउँसो १:०० बजे तिर आफ्नो कृषि फार्म नजिकै रहेको नहरमा मेचीनगर-६ काँकडभिट्टा बस्ने वर्ष ५८ को पुने प्रसाद सत्याल मृत भेटिएका हुन् ।
सत्यालले त्यहाँ एक व्यक्तिको जग्गा भाडामा लिएर कृषि फार्म सञ्चालन गर्दै आइरहेका थिए ।
सत्यालको शव नहरमा डुबिरहेको अवस्थामा फेला परेको इलाका प्रहरी कार्यालय काँकडभिट्टाले जनाएको छ ।
घटनाको विषयमा अनुसन्धान जारी रहेको प्रहरीले जनाएको छ ।
