एजेन्सी । भारतीय अभिनेता तथा निर्देशक सतिश कौशिकको ६६ वर्षको उमेरमा निधन भएको छ ।
उनका नजिकका सहयोगी अशोक पण्डितले निधनको पुष्टि गरेका बीबीसी हिन्दीले जनाएको छ । अभिनेता अनुपम खेरले पनि ट्वीटमार्फत् सतिश कौशिकको निधन भएको जानकारी दिएका छन्। भारतीय सञ्चारमाध्यमले अनुपम खेरलाई नै उदृत गर्दै सतिश कौशिकको निधन भएको खबर छापेका छन् ।
उनको हृदयाघातका कारण निधन भएको आफन्तलाई उदृत गर्दै भारतीय सञ्चारमाध्यमले जनाएका छन् । कारमा यात्रा गरिरहेका बेला उनलाई हृदयाघात भएको थियो । उनलाई अस्पताल पुर्याइए पनि बचाउन नसकिएको आफन्तले बताएका छन् । सन् १९५६ अप्रिल १३ तारिखमा हरियाणामा जन्मिएका कौशिकले अभिनयसँगै, व्यङ्ग्य, पटकथा लेखन, निर्देशन र फिल्म निर्माण समेत गर्थे ।
उनले साजन चले ससुराल, जाने भी दो यारो, मिस्टर इण्डियालगायत भारतीय चलचित्रमा अभिनय गरेका छन् ।