सर्वोच्च अदालतको फैसलापछि उपप्रधान तथा गृहमन्त्री पदबाट राजीनामा दिएका रवि लामिछानेलाई जनमत पार्टीका अध्यक्ष सिके राउतले पुन: राजनीतिमा फर्कन आग्रह गरेका छन् ।
शुक्रबार साँझ राउतले सामाजिक सञ्जाल ट्वीटरमार्फत लामिछानेलाई कम ब्याक हिरो भन्दै पुन: राजनीतिमा फर्कन आग्रह गरेका हुन् ।
सर्वोच्च अदालतले नेपाली नागरिकता पुन: प्राप्तिमा प्रकिया मिचेको भन्दै पुस ११ मा उपप्रधान तथा गृहमन्त्री नियुक्त भएका लामिछानेको पद खारेज गरेको थियो । माओवादी केन्द्रका अध्यक्ष पुष्पकमल दाहाल ‘प्रचण्ड’ नेतृत्वको सरकारमा लामिछाने ११ पुसमा उपप्रधानसहित गृहमन्त्री बनेका थिए ।
अमेरिकी नागरिकता त्यागेपछि नेपाली नागरिकता पुनः प्राप्तिका लागि प्रक्रिया नै नथालेको भन्दै सर्वोच्च अदालतले लामिछाने उम्मेदवार हुन पनि अयोग्य भएको ठहर गरेको छ ।
डा. राउतले लेखेका छन्, “प्रक्रियागत त्रुटि वा अपराध नै किन न होस् र कतिपय राजनैतिक एजेण्डा विपरीत नै किन न होस्, तर अहिलेको संसद् र सरकारमा #रविजी मेरो लागि पनि आशाको केन्द्र हुनुहुन्थ्यो। बैठक होस् वा संसद्, रविजीले नयाँ ऊर्जा, जोश र देशमा केही त परिवर्तन होला कि आशा जगाउने गर्नुहुन्थ्यो। #comebackhero”
प्रक्रियागत त्रुटि वा अपराध नै किन न होस् र कतिपय राजनैतिक एजेण्डा विपरीत नै किन न होस्, तर अहिलेको संसद् र सरकारमा #रविजी मेरो लागि पनि आशाको केन्द्र हुनुहुन्थ्यो। बैठक होस् वा संसद्, रविजीले नयाँ ऊर्जा, जोश र देशमा केही त परिवर्तन होला कि आशा जगाउने गर्नुहुन्थ्यो। #comebackhero pic.twitter.com/u5k7aIdg7S
— Dr. CK Raut (@drckraut) January 27, 2023