प्रधानमन्त्री पुष्पकमल दहाल ‘प्रचण्ड’ र नेपालका लागि चिनियाँ कार्यवाहक राजदूत वाङ जीनबीच भेटवार्ता भएको छ।
चीनका कार्यवाहक राजदूत वाङले चिनियाँ प्रधानमन्त्रीको लिखित बधाई तथा शुभकामना सन्देशसहित प्रधानमन्त्री प्रचण्डलाई भेटेका हुन्।
यसअघि शुक्रबार नै नेपालका लागि भारतीय राजदूत नवीन श्रीवास्तवले पनि प्रचण्डलाई बालुवाटारमै भेटेर भारतीय प्रधानमन्त्री नरेन्द्र मोदीको लिखित शुभकामना तथा बधाई दिएका थिए।
गत आइतबार माओवादी अध्यक्ष प्रचण्ड एमालेसहित सात दलको समर्थनमा प्रधानमन्त्री नियुक्त भएका थिए। उनलाई बिहीबार नेपालका लागि अमेरिकन राजदूत डिन आर. थम्पसनले पनि भेटेर शुभकामना तथा बधाई दिएका थिए।