नेपाल मजदुर किसान पार्टी (नेमकिपा) का केन्द्रीय सचिव एवं संघीय सांसद प्रेम सुवालले पञ्चायतदेखि अहिलेसम्मका सबैका प्रधानमन्त्रीहरुको सम्पति छानविन गर्न माग गरेका छन्।
सेवा निवृत्त शिक्षक समाजले बुधबार भक्तपुरमा गरेको बधाई तथा शुभकामना कार्यक्रममा उनले पैसाकै लागि राजनीति गर्नेहरुलाई समाप्त पार्नुपर्ने बताए।
उनले आफूहरु सरकारमा नजाने पनि प्रष्ट पारे। केन्द्रमा मात्रै नभइ प्रदेश सरकारमा पनि नजाने सुवालले बताए। पार्टीबाट संघीय संसदमा सुवाल एक्लै छन्। पार्टीबाट बागमति प्रदेशमा भने तीन जना सांसदहरु छन्।
ठूला दलहरुले चुनाव अगाडि एउटा गठबन्धन बनाई प्रतिवद्धता जारी गर्ने र चुनावपछि जनताले त्यही प्रतिवद्धतालाई कदर गरी दिएको मतको अवज्ञा गरी अर्को गठबन्धनको सरकार बनाउनु सरासर राजनीतिक बेइमानी भएको उनको आरोप छ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
