पछिल्लो २४ घण्टामा नेपालमा कोरोना भाइरसको सङ्क्रमणबाट एक जनाको निधन भएको छ भने थप ८४८ जनामा सङ्क्रमण पुष्टि भएको छ । योसँगै नेपालमा कोरोनाका कारण ज्यान गुमाउनेको संख्या ११ हजार ९९० पुगेको छ ।
स्वास्थ्य तथा जनसंख्या मन्त्रालयका अनुसार पाँच हजार ६१९ जनाको आरटी पीसीआर र एन्टिजेन विधिबाट परीक्षण गर्दा ८४८ जनामा कोरोना संक्रमण पुष्टि भएको हो ।
मन्त्रालयका अनुसार दुई हजार ७२२ जनाको पीसीआर विधिबाट परीक्षण गर्दा ३९९ जना र दुई हजार ८९७ जनाको एन्टिजेन विधिबाट परीक्षण गर्दा ४४९ जनामा कोरोना पुष्टि भएको हो ।योसँगै नेपालमा सक्रिय कोरोना संक्रमितहरुको संख्या ५२ सय नाघेको छ ।
मन्त्रालयका अनुसार हाल नेपालमा ५ हजार २५९ जना कोरोनाका सक्रिय संक्रमितहरु विभिन्न आइसोलेशनमा उपचाररत छन् । त्यस्तै, पछिल्लो २४ घण्टामा नेपालमा थप ५ सय २६ जना संक्रमितहरु निको भएका छन् ।