ई-कमर्स लगायत अनलाइन कारोबारमा संलग्न प्रयोगकर्ताहरूको संख्यामा भारतले अमेरिकालाई उछिनेको छ।
इन्टरनेट एण्ड मोबाइल एसोसिएसन अफ इन्डिया (आईएएमएआई) को एक रिपोर्ट अनुसार करिब ३४ करोड ६० लाख भारतीयहरू ई-कमर्स र डिजिटल भुक्तानी जस्ता अनलाइन लेनदेनमा संलग्न छन्, जुन संख्या अमेरिकाको कुल अनुमानित ३३१ मिलियन जनसंख्याभन्दा बढी हो।
‘विश्वव्यापी महामारीको दुई वर्षमा डिजिटल कारोबार रेकर्ड ५१ प्रतिशत वृद्धि भएको छ। जुन भारतमा २०१९ मा २३ करोड थियो। लैंगिक विभाजनको सन्दर्भमा, भारतमा महिला प्रयोगकर्ताहरू भन्दा पुरुष इन्टरनेट प्रयोगकर्ताहरू बढी छन्। सहरी र ग्रामीण दुवै प्रयोगकर्ताहरूमा लगभग समान लिंगिक अनुपात छ,’ भारतको इन्टरनेट एण्ड मोबाइल एसोसिएसन अफ इन्डियाले रिपोर्टमा भनेको छ ।
ग्रामीण क्षेत्रमा ओटीटी सेवाहरूको प्रवेश बढिरहेको छ । यद्यपि, अनलाइन गेमिङ, डिजिटल कमर्स र डिजिटल भुक्तानी जस्ता अन्य डिजिटल सेवाहरूको प्रयोग बढि मात्रामा सहरी प्रयोगकर्ता गरिरहेका छन् ।
प्रतिवेदन अनुसार भारतमा ६९२ मिलियन सक्रिय इन्टरनेट प्रयोगकर्ताहरू छन्। राज्यहरू मध्ये, गोवामा सबैभन्दा बढी इन्टरनेट पहुँच छ, जबकि बिहारमा सबैभन्दा कम छ।
