नेपालमा बितेको २४ घण्टामा ३५७ जनामा कोरोना भाइरसको सङ्क्रमण देखिएको छ। स्वास्थ्य तथा जनसंख्या मन्त्रालयका अनुसार तीन हजार ३५७ जनाको नमूना परीक्षण गर्दा उक्त सङ्ख्यामा कोरोना भाइरसको सङ्क्रमण देखिएको हो ।
आज एक हजार ८५७ जनाको आरटीपिसिआर परीक्षणमा २६८ र एक हजार ५०० जनाको एन्टीजेन परीक्षणमा ८९ जनामा सङ्क्रमण पुष्टि भएको मन्त्रालयको कोभिड-१९ दैनिक विवरणमा उल्लेख छ । अहिले देशका विभिन्न जिल्लाहरूमा एक हजार ९८२ सक्रिय सङ्क्रमित रहेका छन् भने आज ६२ जना निको भएका छन् ।
आज काठमाडौंमा ११९ जना ललितपुरमा ३० जना, मोरङ्मा २३ जना, कास्कीमा २१ जना सङ्क्रमण पुष्टि हुँदा अन्य जिल्लाहरूमा एक अंक (९ वा सो भन्दा कम) मा मात्र सङ्क्रमण देखिएको हो ।
प्रदेशगत रुपमा हेर्ने हो भने प्रदेश १ मा ४३ जना मधेश प्रदेशमा ४ जना बागमती प्रदेशमा १७४ जना, गण्डकीमा २९ जना लुम्बिनीमा १२ जना कर्णालीमा १ जना र सुदूरपश्चिममा ५ जनामा सङ्क्रमण देखिएको छ ।