सरकारले अन्तर प्रदेश चल्ने सार्वजनिक यातायातमा पुनः भाडादर वृद्धि गरेको छ। यात्रुवाहक सवारीसाधनमा एक दशमलव ७९ प्रतिशत भाडा बढाइएको हो।
पछिल्लो पटक भाडा समायोजना गर्दा आधार लिइएको डिजेलको मूल्य १६३ भएकोमा असार २० गते प्रतिलिटर रु ९ का दरले इन्धनको मूल्य बढेपछि भाडा समायोजन गरिएको यातायात व्यवस्था विभागले जनाएको छ । पहाडी बाटोमा चल्ने मालवाहक सवारीसाधनमा दुई दशमलव ३४ प्रतिशत र तराई बाटोमा सञ्चालन हुने मालवाहक सवारीसाधनमा दुई दशमलव ६० प्रतिशत भाडा बढाइएको हो।
वैज्ञानिक भाडा समायोजन प्रणालीमा इन्धनको मूल्य पाँच प्रतिशत वा सोभन्दा बढीले घटेमा वा बढेमा स्वचालित रुपमा भाडादर परिवर्तन हुने उल्लेख छ। नयाँ भाडादर अनुसार अब काठमाडौंबाट बाजुरा जानको लागि प्रतियात्रु रु तीन हजार ५७ रुपैयाँ तिर्नुपर्छ भने बझाङ्गको भाडा तीन हजार ४० पुगेको छ ।
डिलक्स सवारी साधनहरूले यस भाडादरमा थप २० प्रतिशत भाडा लिन पाउनेछन् ।
यस्तो छ नयाँ भाडादरको सूची